.:The sense of Didda:. | |
27 september 2006 Hver vill komá dei-eit? - Hver vill komá dei-eit?
Ég vann, ég vann, ég vann, ég vann!!!! Jibbí jei jei jibbí jibbí jó! Jibbí jei jei jibbí jibbí jó! Jibbí jei jei jibbí jibbí jó! Ég vann, ég vann, ég vann, ég vann!!!! Vann út að borða fyrir 2 á verði fyrir 1 á Papinos Pizza. Svo ef ÞÚ vilt bjóða mér á deit þá er ég mjög mjög ódýr og þú þarft einungis að borga fyrir sjálfan þig ;) ----------------------- Ég vænti þess að ég þurfi ekki að taka það fram að tilboðið gildir einungis fyrir karlmenn.
22 september 2006 Ég læstist einu sinni inni í Alþingishúsinu.
Var síðan bara beðin pent um að koma mér út... út um bakdyrnar!!! Vildi bara deila þessu með ykkur. Ykkur að segja þá var ég allsgáð. P.s. leitin ógurlega sem hefur fengið nafnið Karlmaður handa Diddu stendur ennþá yfir. Áhugasömum er vinsamlegast bent á að hafa samband við Örnu, en hún hefur tekið að sé að kanna úthald áhugasamra áður en lengra verður haldið. (Hún fær sko að vinna upp fyrir fyrri mistök!) ;)
20 september 2006 Þar sem þið virðist hafa gaman af því að heyra klaufasögur af mér þá hef ég ákveðið að bæta einni við í safnið.Eins og þið flest vitið þá var ég að flytja inn í eina alveg afskaplega fallega splunku nýja íbúð Jibbí!! Allavega, ég er voða ánægð með mig fyrsta daginn minn í íbúðinni... komin með nýtt rúm og sjálfboðaliða sem var vel til þess fallinn að máta rúmið með mér. Þar sem þetta var nýtt rúm þá ætlaði ég ekkert að vera að tvínóna neitt við þetta og skellti mér bara snemma í bólið (já eða við) svaf vel og allt gekk eins og í sögu. Daginn eftir kynnist í nýja nágrannanum mínum. Ungur herramaður sem virtist bara alveg ágætur. Hann talar eitthvað við mig og ég við hann og þannig gengur það áfram í smá stund. Svo kemur að því að ég ákveð að fara að hypja mig inn í hús. Heyrist þá ekki í kauða: Heyrðu, meðan ég man... Í gær þegar ég fór út að reykja þá sá ég að þegar maður stendur út á svölum þá blasir rúmið þitt við mér!!!!!! Ég reyni að vera voðalega afslöppuð en það eina sem ég næ að hugsa er: FOKK!!!!! Svo bætir hann við: Já, ég held þú verðir að fá þér gardínur... annars á ég allavega aldrei eftir að ná strákunum inn af svölunum. Ég reyni ennþá að vera voða afslöppuð og eins og mér finnist þetta voða fyndið og gæti ekki verið meira sama. En það eina sem ég get hugsað er: FOKKINGS FOKK!!!! Þess má geta að gardínurnar voru komnar upp fyrir kvöldið.
04 september 2006 Vegna fjölda áskorana þá hef ég ákveðið að setja svosem eina færslu hér inn á þetta blogg, í dag allavega :)Það er úr miklu að velja þegar um kjána og vitleysing eins og mig er um að ræða. Fjöldinn allur af skandelans sögum sem flest hverjar stíga ekki í vitið eða eru bara alls ekki prenthæfar. Eins og þegar ég ákvað að bregða mér af bæ og skella mér upp í Rauðholt til systur minnar hennar Þórunnar í sumar. Ég var ekki einu sinni komin út í Eiða þegar ég sé helvítis hjólkoppinn af bílnum mínum skjótast af og rúlla þarna á götunni. "Andskotinn" hugsaði ég með mér, stöðvaði bílinn og fór út að leita. Sökum leti þá nennti ég ekki að leita lengi því mér var skítkalt og auðvitað húðlöt. Ákvað því að koppinn skildi ég finna seinna og hélt ferð minni áfram útí sveit. Ekki stoppaði ég svo á baka leiðinni til þess að leita að koppnum, nei ég nennti því sko ekki. Samviskan nagaði mig og ég var orðin frekar pirruð út í mig að hafa glatað þessum kopp, bara vegna letinnar í sjálfri mér. Það er ekki fyrr en nokkrum dögum (já ef ekki vikum) seinna að ég fatta að ég er ekki með hjólkoppa á bílnum mínum!!!!!! Síðasti dagurinn í vinnunni minni var á föstudaginn síðasta. Ég hafði svona með öðru verið pínu spennt að loksins hætta og geta farið suður og byrjað í skólanum. Á leikskólanum hefur t.d. bara verið eitt starfsmannaklósett svo það lá við að það væri biðröð á klósettið, þar til í síðustu viku þegar bætt var við öðru starfsmanna klósetti á öðrum stað í húsinu. Ég hafði nú lítið spáð í þessum klósettleysi eða nýja klósettinu... Þar til á föstudaginn síðasta!! Þegar ég var komin heim og búin að meðtaka það að ég væri hætt að vinna hjá fallegu fallegu fallegu börnunum mínum þá kom áfallið: ÉG VAR EKKI EINU SINNI BÚIN AÐ PRÓFA NÝJA KLÓSETTIÐ!! Eins og ég hafi einhverntíman hugsað svona áður!!! Já, ekki er öll vitleysan eins!!!!
|
Didda... Já! Ég er líka gröð!!!!! Gestabók Fræga fólkið Arna Photo Ómissandi Velgefnar Stúlkur spakmæli Hvar er slátrið?!! gamalt og "gott" febrúar 2003 |